導語：《唐伯虎點秋香》是一部喜劇電影，由周星馳、李力持執導，周星馳、鞏俐、鄭佩佩等主演。該片講述了江南才子唐伯虎對華太師府上的丫鬟秋香一見鍾情，在船伕的幫助下他施展計謀混進了華府。下面YJBYS小編分享唐伯虎點秋香的粵語劇本，歡迎參考!
(唐府門前，好多人喺度等緊)
茄咧啡甲：哎～，點解呢嚇?我等咗三個時辰喇，都未出嚟嘅?
茄咧啡乙：系囉，平時兩個時辰到就會出嚟個噃。
(唐府下人出門倒垃圾)
僕人甲：啲垃圾放喺門口。
眾僕人：哦!
眾人(原來喺度等緊垃圾，都上去搶)：哎呀，搶呀搶呀!
茄咧啡甲：哈哈!哎呀，我終於搵到唐伯虎嘅墨寶喇!
眾人(齊追茄咧啡甲)：我見到先架!畀返我呀!……
(唐伯虎手執毛筆，好似寫字噉嘅款，原來系用豉油搽雞翼)
僕人甲：一碟豉油夠唔夠“jaam5”，少爺?
唐伯虎：慢慢嚟!
僕人甲：少爺呀，出便好多人求畫，真系唔理佢哋呀?
唐伯虎：今日我冇乜心情畫畫，同我醒多兩籮垃圾佢哋算啦。
僕人甲：系，少爺!
僕人甲：(出門時在門中碰見祝枝山)祝公子。
祝枝山：哎，唐兄!
唐伯虎：哎，祝兄!
祝枝山：唐兄，救命呀。
唐伯虎：唉，睇嚟祝兄梗系輸錢輸到乾乾淨淨定嘞。
祝枝山：哈，生我者父母，知我者唐兄呀!
唐伯虎：江南四大才子之中，就以祝兄你最為灑脫，眾人皆知!所謂風吹雞蛋殼，財散人安樂，乃系祝兄你嘅座右銘呀。
祝枝山：過獎過獎，但比唐兄嘅風流不羈，小弟真繫有如天淵之別呀!
唐伯虎：哈哈哈哈，之不過，祝兄你隔夜一百幾呀兩噉輸，輸完走嚟嗌救命，長此以往，唔系辦法噃。
祝枝山：哎，有見地，小弟有見及此,所以破斧沉舟，一次過輸晒我一世人可以輸嘅錢，整整系三十萬兩，所以麻煩唐兄畫返三十幅畫，以嚟填債救命!
唐伯虎：明白明白。阿水，你出出去先!
僕人阿水：系，少爺!
唐伯虎(等阿水出去之後)：僕你個臭街，當呢度善堂呀?重要畫卅幅?冇得傾!
祝枝山：哎呀，唔好噉啊，系我衰啊，系我衰喇。我而家叩頭認錯。你唔念嚇當年僆仔嘅時候借本《玉薄團》畀你“目及”，你都念嚇呢幾年嚟我同你賣畫賣到你冚家富貴吖!況且出便有成幾兩友喺出便話，如果三炷香我攞唔到三十幅畫就劈開我幾碌啊!你幫唔幫先?
唐伯虎：三柱香?哼，嗱咪話做兄弟嘅唔睇你喇，我即管喺你靈堂同你寫副輓聯，一寫死有餘辜，一寫死不足惜!你是但揀句啦。
祝枝山：哎呀，伯虎啊，你唔好咁絕好唔好啊?最多我發毒誓，如果我再賭錢嘅話，我就畀天下最醜樣嘅女人日日至體無完膚，搖搖欲墜為止，噉得未吖?
唐伯虎：嚇?!咁悲壯嘅毒誓你都發得出?好，我即管救埋你呢次啦!人嚟，文房四寶侍候!
祝枝山：唐兄忠肝義膽，俠骨丹心!
唐伯虎：廢話少講，除衫!
祝枝山：嚇?!除衫?
(地上鋪滿畫紙)
祝枝山(成身赤裸)：喂，搞邊科呀?
(唐伯虎用祝枝山的身體作畫……)
祝枝山：噉玩法?
(……)
祝枝山：譁，認真神乎其技，真系畀你打死都抵呀!叫咩名堂啊?
唐伯虎：巴閉嘞?系叫做雄鷹展翅氣吞天下圖。呢度一幅已經抵償到你三十萬兩，請你以後唔好再嚟煩我。
祝枝山：哈，一定一定。不過我更佩服唐兄之處，系要將我胸前雙點作花，雙掌作樹，屁股化石，前足作雲，後足作山。哎呀，嗰只鷹又用我身體邊部分勾出嚟呀?
唐伯虎：系用閣下嘅子孫根。
祝枝山：哈呀，果然不出我所料，雄渾激情，勾出咗佢嘅神韻呀!
唐伯虎：只不過系鷹嘴上面擔住嗰條蟲仔啫，何來雄渾激情之有?唓!
祝枝山：都好，識轉彎!
周星馳旁白：唐伯虎，於明憲宗成化六年庚寅年寅月寅日寅時出世，故名唐寅，因人屬虎，故又名唐伯虎。唐寅聰明絕頂，號稱詩畫雙傑，位列江南四大才子之首，為當時男女老少所崇拜嘅偶像。而最為人津津樂道嘅，乃系相傳佢擁有八位天姿國色溫柔賢淑嘅嬌妻，晃如神仙美眷，羨煞旁人啊!
某老婆：舉手!有冇百幾十兩喺你身度呀?攞出嚟頂住先嗱!有冇搞錯啊?!得咁少!嚟啦來嚟……我又有銀喇。
某老婆：磅水啦!
某老婆：鋪鋪你贏架，出千呀?
某老婆：旺吖嘛。
某老婆：打鑊你吖嗱!
唐伯虎：幾位娘子，有雞翼食嘞。
某老婆：起埋骨先返嚟呀?咁耐?擺定未呀，擺定未呀，快啲呀!
某老婆：得喇，催命符咩!
唐伯虎：我幅百花爭豔圖……
某老婆：哎呀，喂，家陣借嚟墊墊臺咋 ，唔使詐型呀?
某老婆：你家陣未死吖嘛，得閒咪畫過第二幅囉。
唐伯虎：但系……
某老婆：咪講咁多，嚟，猜返板先!財財，三叉仔，四伯父!飲!
唐伯虎：喂喂……
某老婆：咦呀，做咩啫?
唐伯虎：我本詩集啊!
某老婆：咦，你睇嚇，張死人臺成日岌岌貢，墊咗本都唔夠呀，幫我攞多兩本嚟吖。
唐伯虎：我幅百鳥朝凰圖，因何故冇咗只雀頭架?
某老婆：做咩咁勞噪啫?!人哋唔見咗只一索，咪借咗只雀頭嚟頂住檔先囉。大驚小怪!
唐伯虎：啊～～你你……
(唐伯虎嘅老母朱茜上吊)
唐伯虎：孃親，你做咩呀?
某老婆：哎呀，奶奶吊頸喇!你哋快啲上去睇嚇佢啦!開埋副牌先，雙天至尊!通殺!
某老婆：咦，搞錯啊!
某老婆：畀錢啦!
唐伯虎：孃親，你傻咗咩?
朱茜：孃親冇用咯!同你娶足八個老婆嚟服侍你，你都唔滿足，終日愁眉苦臉，我死咗佢好過嘞!
唐伯虎：孃親呀，你何必噉講呢?我何曾有怨過你半句得架。
朱茜：伯虎，你正所謂年少有為，事業有成，家財千萬，妻妾成籮，你應該繫世上最開心嘅人嚟家嘛。
唐伯虎：我冇話過我唔開心 !
朱茜：噉點解你成日黑口黑麵?系咪嫌啲家嫂配你唔起吖?
唐伯虎：孃親你唔明，千金易得，知己難求，我同幾位娘子雖有夫妻之名，只可惜同床異夢!
(眾老婆一起上吊)
眾老婆：你即系嫌棄我哋啫?噉我哋不如死咗佢算嘞!
唐伯虎：譁!八件一齊吊?!何其壯觀呀!
朱茜：快救人呀!家嫂，家嫂，你冇事吖嘛?!伯虎，你係咪要搞到屍橫遍野，血流成河先至安樂吖?
唐伯虎：我都冇話……
某老婆：放開我……畀我死咗佢算喇……
唐伯虎：喂，你唔好噉啦，你哋!
朱茜：伯虎，你出嚇聲好唔好?
唐伯虎：唔好嘈喇!(深呼吸)系我錯!幾位娘子賢良淑德，持家有道，知書識禮，系我唔識欣賞，我對大家唔住，請大家原諒我!
眾老婆：你明白就最好啦!
某老婆：相公，笑返嚇啦!
某老婆：笑嚇啦嘛。
(唐伯虎用手指叉到個嘴好似笑噉)
某老婆：唔～我要笑得開心啲嘅!
某老婆：系咯，笑多啲。
某老婆：咦，你睇個衰樣，笑得咁格硬喎。
某老婆：系咪條氣唔順啊?
某老婆：笑勁啲呀。
唐伯虎：啊哈哈，啊哈哈~~~~~~~~~~~~~~~~~~~~
眾老婆：財財，兩家好，……
朱茜：伯虎，睇嚇佢哋幾為你吖!以後你就唔好辜負幾位家嫂對你嘅一片苦心喇。
僕人：夫人呀，寧王派人嚟要見少爺。
唐伯虎、朱茜：寧王?
朱茜：寧王而家正圖謀造反，佢派人嚟，唔通想招攬你?
唐伯虎：哎，點都好，你求其同我打發佢走算。
僕人：請 !
僕人：夫人，佢哋---
使者：哎，唐伯虎呢?我嚟王爺想請佢返去做參謀，快啲叫佢出嚟!
朱茜：幾位真系唔好意思，小兒剛患重病，不能見客，寧王好意心領喇，幾位請回啦。
使者：哈哈哈哈，又會咁啱嘅?乜王爺請親嗰啲人都話病咗架?不過王爺早料有此一著，叫我哋帶埋御醫嚟，等我哋同唐伯虎醫病。
朱茜：嗯?!
僕人：夫人……
使者：唐伯虎!(使者等人闖進屋，發現唐伯虎正在大食雞翼，問對朱茜)哎，你又話佢病咗嘅?!
朱茜：佢……佢系病得好犀利架!
使者：病得咁犀利呀，又會有咁好嘅胃口食雞翼嘅?
朱茜：系咯，點解呀?
唐伯虎：嗯……好簡單啫，因為--- (唱)燒雞翼，我鐘意食 ---
使者：(唱)但系你老母講你就快釘---
朱茜：(唱)越系快釘之所以越要整多隻，如果而家唔食，以後冇機會再食!
使者：(唱)你真系就快釘?!
唐伯虎：(唱)我真系就快釘---
(三人合唱)如果而家唔食，以後冇機會再食!
使者：病到好似唐解元咁好面色都好少有 ，御醫，幫唐解元把把脈，睇嚇佢有幾嚴重?
御醫：唐解元嘅脈象四平八穩，好正常吖!冇咩問題呀!
(唐伯虎用氣功改變脈象，御醫大驚)
使者：佢點呀?
唐伯虎：有冇得救呀?
御醫：試嚇啦。
使者：佢做咩呀?
御醫：我從來都未聽過……咁亂嘅脈象!
使者：你聽到啲咩嘢?
御醫：將軍令呀!
使者：咩話?!
御醫：我睇你都系早啲準備身後事罷啦!唐解元，我哋告辭嘞!
使者：唓，早知你噉呀，就唔好嘥我哋啲時間啦!我哋走。
朱茜：御醫，你救嚇我---
朱茜(望見使者走咗)：衰仔，跪低，你記唔記得你曾經喺你死鬼老竇靈前發過誓，話唔會顯露你識武功呢個祕密，點解今日又要破戒吖?
唐伯虎：我記得，但系正話情勢危急，況且我只系用內力改變自己嘅脈搏啫。
朱茜：唔怕一萬，至怕萬一呀，一但畀唐家啲仇人發現你係霸王槍嘅傳人，你即刻有殺身之禍架!
唐伯虎：孃親，我哋唐家嘅仇人究竟系邊個?點解你一直都唔肯話我知?
朱茜：哎，我以前唔話你知，系因為你年少氣盛，驚你自找麻煩，但你而家都咁大個，我亦唔怕話你知嘞，我哋唐家，繫有兩大仇口!
(回放)
朱茜：其中一個系奪命書生。當年佢哋二人為咗爭奪兵器譜上嘅排名，決定比武，我恐防奪命書生會出詭計暗算你阿爹，所以一直在場監視佢………
(唐天豪與奪命書生大戰)
朱茜：等我暗算你個仆街奪命書生先，相公，你贏硬架，放心啦!
唐天豪：高過你!
朱茜：死啦你! (用詭計，誤傷唐天豪)
唐天豪：咩嚟架?哎呀，朱茜?!
朱茜：小心呀!
朱茜：死呀?! (用詭計，又誤傷唐天豪)
唐天豪：朱茜，你---
朱茜：小心呀!
朱茜：唔得嘞，唯有用絕招啦!死啦!
(撒出許多小珠，卻再次誤中唐天豪的臉)
唐天豪：哎呀——朱茜，你究竟喺度搞咩傢伙呀?
朱茜：我……啊!小心呀!
唐天豪：咪走呀!講清楚喺度搞咩先呀!
朱茜：我愛你，所有想幫你咋!
唐天豪：幫我咩呀?你撒埋晒啲噉嘅紅豆?
朱茜：呢啲唔系紅豆!呢啲系我新發明嘅暗器霹靂雷珠!
唐天豪：霹咩靂咩雷咩呀?
朱茜：咦，你唔好睇小佢呀，佢爆起上嚟威力無窮!
唐天豪：威乜叉嘢力咩呀?會爆?
(雷珠爆炸，唐天豪臉被炸腫)
唐天豪：小喇叭，朱茜，你係咪想玩嘢呀你呀?
唐伯虎：啊!書生奪命劍?!
(返回現在)
朱茜：就喺最危急嘅關頭，你阿爹突然使出世間上最恐怖最得人驚嘅獨門暗器，將整個局面扭轉晒。
(又回到回放)
唐天豪：放暗器!(把朱茜扔了出去)
唐天豪：霸王回馬槍!(槍頭被奪命書生折斷)冇槍頭嘅?!
(奪命書生一劍刺中天豪)
唐天豪：點解?
(返回現在)
唐伯虎：唔怪得阿爹最後都鬱鬱而終。
朱茜：你阿爹估唔到奪命書生連精鋼製造嘅槍頭都可以打斷，所以佢喺臨死嘅時候，就特別製造咗呢個堅硬無匹嘅寒鐵槍頭，以防奪命書生趕盡殺絕。
唐伯虎：但系你話我哋有兩大仇家，另外一個系邊個?
朱茜：另一個就係當年同我爭你阿爹嘅情敵喇，不過佢已經嫁咗人，怕且呀都冇乜機會撞到架喇。
唐伯虎：孃親，呢幾日我想離家出外幾日暫避風，因為我怕寧王再搵人嚟找我麻煩。
朱茜：最緊要隨身帶埋支寒鐵槍頭以防萬一呀，記住呀!由於當年你爹打輸咗，所以當今兵器譜上便，書生奪命劍排行第二，我哋霸王槍排行第三，小李飛刀緊隨第四。
某老婆：(路過)縮開只腳啦!
唐伯虎：噉排名第一嘅系邊個呢?
朱茜：佢就係小李飛刀嘅孃親，可惜已經過咗身呢!
唐伯虎：哦，原來就係小李老母飛刀，真可惜!
某老婆：喂，講咁多做咩呀?猜兩板先啦。(跟伯虎划拳)財財呀!一定中，你頂帽!飲!哎呀，你咁屎， 行開啦，我同奶奶猜呀。(兩人猜拳)財財呀，三叉仔呀，九……奶奶你輸咗呀，飲!
朱茜：飲咪飲!
眾老婆：買大細呀!落落落!買定離手啦!要開啦，開……打你個仆街呀。買定離手……
唐伯虎：(無奈)我個心又悲，個心又痛，八個老婆都沙里弄寵，人家當我享盡齊人福，查實空虛寂寞兼且凍，兼且凍!
(江南四大才子結伴出遊)
一女子：睇嚇，睇嚇，江南四大才子喺嗰邊呀。
(眾女子興奮觀看)
(四大才子擺POSE，眾女子傾倒逃散)
(一女子被四人攔住，被迫跳河)
唐伯虎：想走?飛唔出我五指山嘅。(欲跳下河被攔住)
祝枝山：伯虎兄，好多人呀。
祝枝山：哈哈，我哋今日江南四大才子嚟到遊山玩水，唔怪得女子咁瘋狂呀。
周文斌：難怪難怪!
文徵明：各位各位，今日大家咁高興，不如吟嚇詩咧?
祝枝山：徵明兄好提議。文斌兄先嚟咧。
周文斌：強項啦!山下一群鵝。
文徵明：噓聲趕落河。
祝枝山：噉呀落河捉鵝醫肚餓。
唐伯虎：食完返歸鋤老婆。
三人：譁呀，好句呀!好句呀!絕句!絕句!
唐伯虎：啊哈哈~~~~~~~~~~~~~~~~~~~~~~~~~~~~~~~~`
三人：真系咁好笑?!
文徵明：點解唐兄次次出遊都咁豪情奔放呢?
周文斌：樂極忘形，實在令人羨慕羨慕。
祝枝山：講開又講喇，喺江南論文章，唐兄才高八斗，論丹青，妙筆生花，呢啲真真正正嘅架勢堂啊。
周文斌：冇錯呀，更令人羨慕嘅呢就係佢喺音律方面都好高造詣架喇。
唐伯虎：噉呀系呀，古今中外各種樂器我邊樣唔lun得出神入化。喂，我最近重研究一種西洋嘅敲擊樂，很使得。有機會可以同大家一齊研究一下。
周文斌：一定一定!
文徵明：不過計我話唐兄最令人羨慕之處就莫過於豔福喇。系人都知，唐兄家中有八位夫人，個個貌美如花，國色天香。做人做著你噉，夫復何求呢?
祝枝山：羨煞旁人呀。
唐伯虎：啊哈哈~~~~~
祝枝山：有郇嘢“目及” 。
祝枝山：哎，唐兄，你望一望橋頭上有個婀娜多姿嘅美女，隻影形影單呀。喂，不如噉嘞，你即場示範你嘅溝女大法畀幾個兄弟學習學習咧。
唐伯虎：噉呀……
周文斌：啲大朋福利，冇問題吖嘛?!
唐伯虎： 義不容辭吖。
祝枝山：去啦。
唐伯虎： 小姐。
女子：咩事呀公子?(一回頭，竟是如花!±#$%×*)
三人(喺遠處)：上!上!
唐伯虎：冇，我想借小姐嘅肩膀嚟搭一下，唔知有冇問題呢?
如花：咁點得呀?我係一個黃花閨女嚟家嘛。
唐伯虎：我知，我都系應酬嚇啲朋友噉解嘅啫。其實在下正是唐伯虎。
如花： 唐咩伯咩虎，我都唔識你。你再唔走，我嗌架。
唐伯虎：噉咧，我畀一兩銀你係噉意咧。
如花：一兩銀?你當我係咩，起碼都十兩啦!
唐伯虎：譁!你都要十兩?!唔好去搶!
如花(掹刀出嚟)：冇錯，就係搶!僆仔，攞錢嚟!
(兩人亂打)
唐伯虎：你……你……
如花：死喇!
唐伯虎：噍你!
三人：哎?搞咩呢呵?
(三人趕到橋上，最後如花被唐伯虎打落河中)
文徵明：哇，使唔使咁重手呀?!
唐伯虎：搶錢架，呢條死人妖!
三人：嚇?!人妖?
祝枝山：我啱呀!你揸住。 (祝枝山將摺扇遞給文斌，跳入河中)
文徵明：真唔抵!畀佢走先一步!
(華夫人帶眾人去拜神，氣勢巨集偉)
春香：你睇嚇，好多人呀。
夏香：系呀，好熱鬧啊。
華夫人：春香，夏香，做乜嘢呀?唔好失禮人呀。
(路人均爭先恐後的圍觀)
四大才子：喂，藉藉!
某人：今日華太夫人帶住四香入廟進香啊。
文斌：聽講個個都天仙下凡，尤其個秋香至省鏡喎。
唐伯虎： 邊個呀?邊個系呀?
文斌、文徵明：呢，嗱嗱，嗰邊呀!秋香~~~
(秋香回首一笑)
唐伯虎：超，普通料嚟咋 !
文斌：噉呀唔系 ，伯虎兄，須知美女依家嘢呢，同鮮花一樣，需要有綠葉嘅襯托至顯得出嬌媚架。睇多次吖。
文斌、文徵明：靚女~~~
(旁人皆成醜女襯托)
唐伯虎：哇!噉睇法真系索到拍拍聲 。餵我哋一齊入廟，搵著數咧!
(四大才子裝扮成乞丐)
三人：睇你就好喇!
唐伯虎：強項啦。
唐伯虎：陣間一有機會擁埋去大肆搜掠一番呀。
祝枝山：一定啦!
華夫人：施捨啲包畀乞丐食啦。
四香：系，夫人。
(四香施捨乞丐)
唐伯虎：(抱住秋香只腳)救命呀!好肚餓呀!
秋香： 你肚餓呀?噉你食先啦。(遞饅頭給唐伯虎)做咩呀?一個唔夠啊?畀多個你吖。
秋香(繼續派包畀其他人)：你哋過嚟吖，呢邊重有呀。
(秋香充滿愛心。秋香回首對唐伯虎二笑)
唐伯虎：(心語)原來當今世上最美麗嘅笑容，就係充滿愛心嘅笑容!我已經搵到我嘅理想，佢就係秋香!
華夫人：秋香，我要入去同呢度嘅主持正一法師傾偈，你去幫我求支平安籤返嚟。
秋香：系，夫人。
(秋香跪在地上求籤，唐伯虎練練聲之後走過去)
唐伯虎：咦，小姐，拜神呀?
(秋香點頭)
唐伯虎：好嘅，拜得神多自有神庇佑吖嘛。
(籤掉在地上)
唐伯虎：我嚟。
(故意不給秋香，音樂響起，正想唱歌，被一僧人一腳~~~~~~踢到廟門口，僧人拿出一匾，上書“室內嚴禁喧譁”)
(再進寺內，秋香己走，唐伯虎坐船去追)
唐伯虎：兄弟，即刻同我追華府只官船。
船伕：好呀!好聲好聲!
船伕：啊，公子呀，你呀真系識貨喇，咁多船唔揀你揀著我呢只船，我出咗名夠快嘅。
唐伯虎：嚇譁?
唐伯虎：喂~~~你只船沉緊喎，你只船!
船伕：系吖，沉得快吖嘛。
唐伯虎：做咩搞啲噉嘅嘢呀?我趕趕時間家嘛，大佬呀!
船伕：睇你嘅樣，梗系追秋香姐咧。
唐伯虎：你又知?
船伕：你啲噉嘅富家公子我年中見唔少喇。不過淨系喺華府門口啄嚇啄嚇搵唔到食嘅。
唐伯虎：噉你有咩好橋呢?
船伕：要諗辦法混入華府至掂家嘛。
唐伯虎：你過一兩條橋過嚟旁嚇身好 。
船伕：橋唔系冇，睇你識唔識做。
唐伯虎：挑，點話點好啦。
船伕：噉你聽住咯噃~~~~~~~
(兩人和船沉入水中)
(華府門前，唐伯虎和船伕推著木車)
唐伯虎：喂，陣間開檔架嘞，你死人都唔好喐呀。
船伕：你話將賣到啲錢畀晒我，你唔好老點噃。
唐伯虎：以你嘅智慧，邊有人點到你啫?
船伕：噉呀系。
(船伕躺在車上裝死)
唐伯虎：喂，明益街坊呀喇，全新第一手好靚嘅孝子大平賣，唔買都嚟睇嚇嘞喂!
(秋香和華府婢女石榴姐出門)
唐伯虎：好慘呀，真系。
石榴姐：靚仔呀，你晨早流流喺度賣身葬父，好大吉利是架 。
唐伯虎：唉，我都唔想架。
秋香：點解你咁熟面口嘅，我哋喺邊度見過?
石榴姐：系咩?
唐伯虎：所謂相逢何必曾相識呢，不如兩位姐姐仔可憐嚇我罷啦!
石榴姐：真系慘咯!橫掂我哋爭個下人，不如就--
(這時又來一個，推著木車，車上六個死人，這人還口吐鮮血，極其悲慘!)
慘人：好慘啊，賣身葬冚家!
唐伯虎：唔系啩?!
慘人： 兩位姑娘仔，可憐嚇我啦，我冚家六件一晚死晒。我身染十級肺癆，半賣半送，你買我啦。
秋香：石榴呀，睇佢真系慘好多呀，不如都系買佢返華府罷啦。
石榴姐：(哭)噉就買佢啦。
唐伯虎：姐姐，我嚟先架 。
秋香：呢個唔系先後嘅問題吖嘛。
石榴姐：系咯，人哋死六件，你先死得個一件。我都好想幫你，但好難做家嘛。
唐伯虎：但系我都慘架噃?
石榴姐：噉你有咩慘嘅嘢，你晒埋出嚟吖。
唐伯虎：我……我……，你睇我幾日冇剪指甲，困晒黑邊架喇，唔通噉都重唔夠慘咩?
(慘人的小狗突然死去)
慘人：(痛哭)旺財……旺財……旺財你唔好死啊，旺財，你跟我咁耐，對我有情有義，肝膽相照，但系大佬未曾畀過一餐飽飯你食，我對你唔住啊!
(唐伯虎看見一隻曱甴，叫“小心呀!”，石榴姐一退，將曱甴踩死咗。)
唐伯虎：(悲痛欲絕)哎呀!小強!小強你點呀小強?小強，你唔好死啊小強!我同你相依為命，同甘共苦咗咁多年，已經當你係我親生骨肉噉攻書教學，估唔到今日，白頭人送黑頭人!
石榴姐：秋香姐，佢兩個都咁慘，噉點呀?
秋香：睇定啲先。
石榴姐：哦。
慘人：吆!(走到唐伯虎跟前，兩人對峙)阿哥，你等陣先。你睇嚇你身光頸靚，返去化過妝先啦。你睇嚇我，奀挑鬼命，滿手毒瘡，你夠我慘唔夠呀?
唐伯虎：喂，兄弟唔好大我，我份人唔大得架 !
慘人：大你咪大你囉?
唐伯虎：你家嚇迫我嚇譁，你家嚇?
慘人：系慘過你呀?吹咩?
唐伯虎：吆!(拾起一根棍，將自己的胳膊打斷)仆街啦!哎呀。唔好話你滿手毒瘡，家嚇成隻手斷埋，睇嚇邊個慘吖!
慘人：你使唔使玩到咁盡呀?!
唐伯虎：直情繫晒你冷架，吹咩?
慘人：我跟你個晒冷!僕你個街啦!(拿棍子砸破自己的頭，血流如注)哎呀!哈哈，同我玩嘢?我而家命都唔要，睇你點大我!邊-個-夠-我-慘-呀?!(倒地身亡)
唐伯虎：僆仔，你好嘢，山水有相逢呀!
石榴姐：喂喂喂，佢而家死咗，我買你吖!
唐伯虎：系?
石榴姐：系!
唐伯虎：噉要加多五兩銀。
石榴姐：譁，你坐地價都有嘅?!
唐伯虎：冇，我想葬埋呢位仁兄啫。
石榴姐： 真繫好人喇，就買佢啦。(拿出銀子)
秋香：哎，石榴，你話買就買架喇!返入去問嚇夫人先再算啦。你聽日再嚟過吖。
石榴姐：我去問喇。
唐伯虎：秋香姐，辛苦晒你!
(秋香進門時回首對唐伯虎三笑)
唐伯虎：譁，噉笑法擺明系挑逗吖。阿媽!我得咗嘞~
(第二天，華府內)
管家：念在你一片孝心，就買你入嚟華府做下人啦，為期兩年，有冇問題?
唐伯虎：冇問題!
管家：噉呀籤咗份契約先啦。
唐伯虎：籤緊!(唐伯虎自己立下了賣身契約)
(唐伯虎身穿下人服裝，興奮的去華府院內開工)
(“武狀元到!”“重唔踎低!”一下人將唐伯虎按下蹲在地上，雙手放在腦後)
武狀元：新仔，由今日開始，你就係華府嘅低等下人，9527就係你終身號碼。開始做嘢!
眾下人：(列隊跑步，唱行軍歌)死做爛做似條雞……
武狀元：被人鬧重要開口笑，似只雞，好好笑。
眾下人：被人鬧重笑笑口，似只雞，好好笑。
(四香路過竊笑這些下人，唐伯虎盯著秋香看，無意撞到了武狀元，被罰做俯臥撐)
武狀元：(計數)1001，1002，1003，1004……，睇你做到噉嘅衰樣，趌高籮柚，再嚟過!(踢唐伯虎) 1，2……
(唐伯虎燒雞時，偷畫秋香畫像)
武狀元：爽手呀!燒靚啲呀，左髀通通留畀我!
(開飯唐伯虎沒搶到飯。掃狗屎被弄一狗屎。)
(四香在放風箏。)
唐伯虎(諗)：機會嚟嘞。(用瓦片將風箏線打斷，風箏落在屋頂)
四香：哎呀，斷咗線喇，噉點算啊?
唐伯虎：幾位姐姐，發生咩事幹呀?
夏香：9527，快啲同我哋攞返只紙鷂落嚟吖!
唐伯虎：但我作為一個低等嘅下人，唔方便入嚟嘅。
夏香：邊個話當你係低等下人啫?我只系當你係只狗咋。
唐伯虎：啊?!
冬香：哎呀，叫你去攞你就去攞啦。
冬香：就喺上便呀。
唐伯虎：秋香姐，幸會幸會。上次到而家我都重未曾有機會多謝你添。好在有緣千里能相會，你只紙鷂包在我身上。
春香：咁多嘢講!去執啦!
唐伯虎：系嘅系嘅。(爬上屋頂，攞到紙鷂)
四香：9527，小心啲呀!
唐伯虎：多謝關心呀，秋香姐……(腳下一滑，掉在地上)
秋香：(扶起唐伯虎，關心)9527，你點呀?你冇嘢吖嘛?
唐伯虎：我冇嘢，只系斷咗隻手啫。
秋香：點解咁唔小心呀?
唐伯虎：只要能夠同你執返只紙鷂，我不怕千刀萬斬，甘願勇闖地獄，家嚇區區一條手臂，何足掛齒呢?
秋香：我怪錯咗你嘞，對唔住。
唐伯虎：嗱，我唔準你噉講呀，人誰無過得架?
(兩人含情相忘，欲親吻)
秋香：唔得，唔得架!
唐伯虎：噉算嘞。
秋香：唔好走啊。
(兩人擁抱親吻)
三香：(鼓掌)好咯，有情人終成眷屬咯!
(屋頂上唐伯虎哈哈大笑，笑得滿頭大汗，原來剛才那一幕是唐伯虎的.幻想)
冬香：佢喺上邊笑咩呀?
秋香：我睇嚇你喺度搞乜鬼!
春香：9527，你做咩呀?快啲落嚟呀!
唐伯虎：嚟緊。(假裝腳下一滑，向地下落去)(暗想)秋香，我嚟嘞!
(剛要落地，卻被武狀元接住，抱在懷中)
武狀元：僆仔!我收到風你偷偷地畫佢個樣，系唔系?
唐伯虎：細佬生平畫過唔少畫，唔知你指邊幅呢?
武狀元：(從唐伯虎衣內拿出唐偷畫的秋香畫像)大家睇嚇佢畫啲乜嘢?
武狀元：你居然將我風華絕代婀娜多姿美麗動人嘅石榴姐畫到噉嘅衰樣!
唐伯虎：對唔住，我學嚇嘢噉解嘅啫，畀返我先。
武狀元：呸!你冇天份就唔好畫!(撕畫)重學人畫嘢!我冇辦法唔畀你開嚇眼界嘞，學嘢啦!(掏出自己畫的畫)呢啲先叫畫!
唐伯虎：哼!真系強中自有強中手，一山還有一山高，小弟甘拜下風!(吐)
武狀元：嚟~~~，大家鑑賞一下。
(眾下人鼓掌，吐)
武狀元：你而家知道咩叫畫啦。你唔單止偷懶，重同我爭女!(命令眾下人)噍佢!
(唐伯虎被一頓痛扁)
秋香：你哋唔好打呀。再唔停手我就話畀夫人知。
武狀元：哎，停手!我畀面秋香姐，我哋走!(眾人離去)
秋香：喂，你死得未呀?
唐伯虎：未，我一日未將只紙鷂親手交畀秋香姐你，一日都唔可以死。秋香姐--(紙鷂己折斷)
秋香：哼!我哋走。
春香：冇咁容易，累我哋冇得玩紙鷂，打佢!
(又挨一頓痛扁)
唐伯虎：好在我拼命噉矇住塊面，噉我英俊嘅相貌亦得以儲存，今晚就搵機會向佢嚟表白，看你個秋香對我動情不動情!
(一轉身，右眼捱了一拳)
唐伯虎：邊個打我?
石榴姐：系我風華絕代，萬人驚豔嘅石榴。
唐伯虎：系你?我同你無冤無仇……
石榴姐：我打!(唐伯虎又中一拳，鼻血流下)
唐伯虎：點解?
石榴姐：點解?!因為你抵打!你偷畫我暗戀我嘅事，而家系人都知啦，我重邊有面目見人啫?我死咗佢罷啦!
唐伯虎：都好嘅。
石榴姐：你就梗繫好定嘞，你想同我一齊死，做對同命嘅鴛鴦?呸!我都冇話接受你嘅愛。
唐伯虎：石榴姐你誤會嘞，其實我對你就如同對我自己親生阿媽一樣咁尊重。
石榴姐： 阿媽?!你居然愛上自己個阿媽?!天呀，呢種大逆不道，喪盡天良嘅事，實在太刺激嘞!未試過架，我有少少緊張呀，嚟吖!快啲呀!
唐伯虎：哎!石榴姐你癲咗咩你而家?!
石榴姐： (仰面躺在地上)咪再多講啦，做啦!唔好因為我係嬌花而擏住我，出力呀!
淫賊之一：(一腳踩在石榴姐臉上)一嚟就整件咁醜樣嘅，真唔老利!
唐伯虎：跩得好!
(牆上又跳下三人，將唐伯虎抓住)
淫賊之一：大佬，久聞春，夏，秋，冬四香個個都貌美如花，尤其系嗰個秋香添簡直靚到攞膽呀。
淫賊之二：秋香梗系益大佬啦。
東淫：噉呀當然啦。
淫賊之一：大佬呀，呢個點呀?殺咗佢呀?
東淫：哎~~，呢對狗男女都可算系同道中人，打暈佢算啦。
淫賊之一：好啊。
唐伯虎：哎~~，四位莫非就係名震江南嘅四大淫俠?!
四淫賊：冇錯，(POSE)我哋就係東淫西賤南鹹北溼!
唐伯虎：哇呀呀呀呀~~~~~~~~，好!實不相瞞，其實小弟我亦系人稱玉樹臨風勝潘安，一樹李花壓海棠嘅小周伯通!
淫賊之一：未聽過喎!
東淫：哎~~~呢位小兄弟呀，佢連咁“jaap”佢都肯上，小呢個稱號真系當之無愧呀。
唐伯虎：呢啲小意思啫，再“jaap”啲我都試過!
東淫：譁?!我真系再嗌你一聲大佬呀!
唐伯虎：不敢當，不敢當!正話我聽幾位講，話想入去鹹溼嚇個秋香?
東淫：噉呀系吖。
唐伯虎：唔嫌棄等我嚟帶路咧。
東淫：啊~~~~，你想執二攤呀?!噉你排第一啦!
唐伯虎：多謝多謝!
大話周 星馳站 zho
東淫：(四人從石榴姐身上踩過)抹乾淨鞋底，唔好留低腳印!
(唐伯虎帶四人繞來繞去，將四人甩開)
四淫賊：咦，點解兜嚇兜嚇唔見咗個小嘅?快啲搵佢返嚟帶路!
唐伯虎：(找到秋香的房間)搵到嘞。(進入房間)
唐伯虎：噓~~~
秋香：9527，你入嚟做咩呀?
唐伯虎：不得了嘞秋香姐，出便有幾個淫賊想嚟鹹溼你!
秋香：(不以為然)哦，我真繫好驚呀，噉而家點算好呀?
唐伯虎：好彩我已經暫時引開咗佢哋，華府咁大，要搵到嚟都唔系咁容易!不如--
秋香：點解你流緊鼻血嘅?
唐伯虎：就係畀嗰幾個淫賊打傷架。但系呢小意思嚟啫!為咗救秋香姐你，我死又何妨呢?你而家嗱嗱聲跟我去一笪冇人嘅地方匿埋再算。以防萬一，等我出去睇睇先!
(秋香伸腳將唐伯虎絆倒，有流很多鼻血)
唐伯虎：唔緊要，唔緊要，我冇事。
秋香：企喺度!你自己咪就係嗰個淫賊囉。
唐伯虎： 嚴格嚟講我都系賊，不過唔系淫賊，你可以稱我為一個偷心嘅賊!
秋香：我唔理你係咩賊，請你唔好再喺我面前整古做怪，只會令我更加討厭你!
唐伯虎：秋香姐，當你發覺你冤捩緊我嘅時候，一定會好傷心，好後悔，噉又何苦呢?都系快啲跟我走!
秋香：縮開!如果真繫有賊嘅，點解唔話畀夫人知，偷入嚟我房做咩呀?!你咪恃住讀過兩年書，就周圍輕薄啲無知女子。我話畀你聽，男人窮唔緊要，最緊要有骨氣，有才學，好似你呢庭人就算讀死一世書只不過系廢物!
唐伯虎：講得好!我作為一個男子漢聽到呢番對白好應該打到你爆缸，但系我唔會噉做，可能你講得啱，我真系一個廢物都未……
秋香：你真系廢物都不如，應該叫你做狗賊!
唐伯虎：互，好一句狗賊，睇嚟你真繫好憎我，既然系噉，秋香姐何苦對我三笑留情?
秋香：(嗤笑)有咩?!我會對你笑咩?!
唐伯虎：嗱，又嚟嘞!
秋香：就算真系對你笑，都系笑你係個白痴咋!
唐伯虎：原來落花有意隨流水，而流水無心戀落花。對唔住，系我自作多情。但出便真繫好危險，你自己千萬要小心!
(轉身撞在門柱上)
秋香：點解呢個世界咁多無聊嘅廢物!唔通只有唐伯虎至稱得上為男子漢?!只有真正嘅男人先能夠寫出咁靚嘅詩句。“桃花塢裡桃花庵，桃花庵下桃花仙。桃花仙人種桃樹，又摘桃花換酒錢。”
唐伯虎：(才子模樣，站到桌上)“別人笑我太瘋癲，我笑他人看不穿。不見五陵豪傑墓，無花無酒鋤作田。”
(秋香與才子模樣的唐伯虎含情相忘)
唐伯虎：果然繫好詩!
(秋香一眨眼，發現還是華安)
秋香：企到咁高做咩呀你?唐伯虎嘅詩由你把口讀出嚟，簡直系一種侮辱!你冇資格讀佢嘅詩，你即刻同我躝!(開門)
唐伯虎：(一把抓住秋香的手)小心!出便危險呀!
唐伯虎：(摟著秋香的腰)秋香，我總算明白你嘅心意。
秋香：(掙脫)放肆，你實在太過分嘞，你再唔出去，我就唔客氣嚇!(拿出一根棍)唔好迫我出絕招呀!
唐伯虎：(笑)秋香，你實在太沖動嘞，但好難怪，你年紀重細，但我真繫好喜歡--
秋香：十字追魂棍!(舉棍欲打)
唐伯虎：事到如今，冇辦法再隱瞞，你聽清楚，其實我就係唐--伯--虎!(棍到跟前陡然停住)
秋香：唐伯虎?!
唐伯虎：(POSE)點睇?!
秋香：你係唐伯虎我就係觀世音啊攞你命!
(秋香變出一根更粗的棍了將唐伯虎打出門外，門外四大淫賊剛趕到，唐伯虎摔倒壓在東淫身上)
東淫：哎呀，咁大力飛落嚟嘅?你個小，簡直系大咸溼啊!
淫賊之一：醒醒呀大佬。
秋香：大佬?!捉賊呀!捉賊呀!有賊呀!捉賊呀!捉賊呀!放開我呀!放開我呀!放開我呀!救命呀!放手呀!
(唐伯虎口吐白沫，己被打暈。四淫賊將秋香劫走。秋香在房內讀的書《唐寅詩集》掉在地上。)
武狀元：(攔住四賊)咪喐!舉手投降!
一淫賊：吃屎啦!
(四人與武狀元大戰)
一僕人：唔好畀佢哋走，通知夫人。
(華夫人出現)
華夫人：嚟吖!
(華夫人用武功輕易將四賊擒住)
華夫人：武狀元，呢幾個賊系點入嚟嘅?
武狀元：夫人……
秋香：夫人嗱，我見到9527同呢幾個人一齊架。
唐伯虎：啊?!
華夫人：日防夜防，家賊難防!將佢哋一干人等，送官治理!
唐伯虎：冤枉呀，夫人!
一下人：夫人嗱，我頭先喺地下執到本書 。
(原來正是秋香丟的《唐寅詩集》)
華夫人：混賬!呢本《唐寅詩集》系邊個嘅?我講過好多次，華府之內絕唔允許有唐伯虎嘅物件出現嘅!呢本書到底系邊個嘅?快啲自己招認咯 !秋香，系邊個嘅?
秋香：(色變)夫人……我……
華夫人：快啲講!
唐伯虎： 夫人，細佬知道系邊個嘅。
華夫人：講呀!
唐伯虎：系細佬嘅，要懲罰請你懲罰埋細佬。
華夫人：武狀元!
武狀元：系!夫人!(伸手向唐伯虎)攞你細佬出嚟!
唐伯虎：夫人，細佬嘅意思正是小弟。
華夫人：既然系噉，好，拉佢出去斬成肉漿，喂狗!
唐伯虎：夫人，唔好呀!實情我只系想引開啲賊，嚟救阿秋香嘅啫。
秋香：夫人--
華夫人：我唔理你同嗰幾個賊有咩關係，身藏《唐寅詩集》已經系死罪，拖佢出去!
唐伯虎： 夫人，請聽我解釋啊。
華夫人：重有咩好解釋呀?
唐伯虎：(筷子敲碗伴奏)稟夫人，小人本住在蘇州嘅城邊，家中有屋又有田，生活樂無邊。點知個唐伯虎，佢橫蠻不檢點，勾結官府目無天，巧取豪奪我家田。我阿爺同佢反面，慘被佢一棍來打扁，我阿嫲鬧佢欺善，更被佢捉了去唐府，強暴了一百遍，一百遍，最後重懸樑自殺慘無邊。佢還將我父子，逐出了家園，流落到江邊。我為求養老父，只有獨自行乞在廟前。點知個唐伯虎，佢實在太陰險，知道此情形，竟派人來暗算，把我父子狂毆在市前，小人身壯健，殘命得留存，可憐老父佢魂歸天!此恨更難填。為求葬老父，唯有賣身為奴咁作賤，一面勤賺錢，我一面讀書篇，發誓把功名顯，手刃仇人意志堅!從此唐寅詩集伴身邊，我永記此仇不共戴天!!!
(唐伯虎用蠟燭作鼓棒，木凳作鼓，來了一段刺激的打擊樂，眾人皆陶醉)
華夫人：(內心獨白)實在太刺激嘞，我真系忍不住要贊佢!唔得，我唔可以表露出嚟嘅。但系呢種感覺真系令人有如騰雲駕霧一樣，他咁感人肺俯嘅自白，居然用到調皮鬼馬嘅數板形式嚟表達，再加上節奏感強勁嘅敲擊樂作為結尾，真系聽到我高潮一浪接一浪呀!
某香：(心)系呀，佢嗰種洶湧澎湃嘅創作力，就好似多春魚體內嘅春一樣，成千上萬，源源不絕啊!
某香：(心)冇錯，我就係嗰條多春魚，我而家充滿力量喇!
三香：(心)多謝你呀，9527!
武狀元：重未夠感人，睇我表演吖你哋。點解食完飯，一定要屙屎，屙完屎重系要擦，慘————!
(華夫人及三香一驚，從幻想回到現實)
華人人：哦，原來你同唐伯虎都有不共戴天之仇嘅。
唐伯虎：系呀，夫人。
秋香：夫人呀，呢個奴才雖則系貪生怕死，但亦非一無是處，我見佢出口成文，似乎都讀過幾年書吖。如今書房正欠一個伴讀書僮，何不要佢帶罪立功，陪伴兩位公子讀書噉咪重好?
華夫人：既然秋香為你求情，就免你一死。從今日開始，我就賜你嘅名叫華--勝啦!
唐伯虎：啊?!夫人，呢個名我恐防受唔得起 。
華夫人：噉呀?噉就叫華安喇。
唐伯虎：謝夫人!
(公子書房)
華文：我係都要秋香幫我磨墨架喇。
華武：你係唔繫系都要同我爭秋香先?!
華文：我係大佬，梗系我架喇!
華武：溝女有分大細嘅咩?!
華文：你係都要同我捻呀?!
華武：捻咪捻囉。
華文：頂你個肺!(將一個毛筆插入華武鼻孔內)
